ನಿಮ್ಮೊಳಿಗಿನ ಇಂಜಿನಿಯರ್‌ಗೆ ಸವಾಲು ಹಾಕಿ

ಪ್ರಯೋಗ ನಡೆಸಿ ಮತ್ತು ಅನ್ವೇಷಿಸಿ: ಇದು ವಿದ್ಯಾರ್ಥಿಗಳಿಗೆ ಪ್ರಮುಖ ವೈಜ್ಞಾನಿಕ ವಿದ್ಯಮಾನಗಳನ್ನು ಸಂಶೋಧಿಸಲು ಮತ್ತು ಸಮಸ್ಯೆಗಳನ್ನು ಪರಿಹರಿಸಲು ಅವುಗಳನ್ನು ಹೇಗೆ ಬಳಸಬಹುದು ಎಂದು ಯೋಚಿಸಲು ಅವಕಾಶ ನೀಡುತ್ತದೆ. ಪ್ರತಿಯೊಂದು ಚಟುವಟಿಕೆಯು ತರಗತಿಯಲ್ಲಿ ಅಥವಾ ಮನೆಯಲ್ಲಿ ಮಾಡಬಹುದಾದ ಸರಳ ಪ್ರಯೋಗಗಳೊಂದಿಗೆ ಆರಂಭವಾಗುತ್ತದೆ. ಕಲಿಕೆಯನ್ನು ಮತ್ತಷ್ಟು ಆಳವಾಗಿಸಲು ಇಲ್ಲಿ ಹಲವಾರು ಸಲಹೆಗಳಿವೆ. ಉತ್ತಮ ಜಗತ್ತನ್ನು ನಿರ್ಮಿಸಲು ಇಂಜಿನಿಯರಿಂಗ್ ಪರಿಹಾರಗಳನ್ನು ಕಂಡುಕೊಳ್ಳುವ ಸವಾಲಿನೊಂದಿಗೆ ಇದು ಕೊನೆಗೊಳ್ಳುತ್ತದೆ. ನೀವು ಎಷ್ಟು ದೂರ ಸಾಗಬೇಕೆಂಬುದು ನಿಮಗೆ ಬಿಟ್ಟದ್ದು; ಕೇವಲ ಆರಂಭಿಕ ಸಂಶೋಧನೆ ಮಾಡಬಹುದು ಅಥವಾ ನಿಮ್ಮ ವಿದ್ಯಾರ್ಥಿ ಅಥವಾ ಮಗನಿಗೆ/ಮಗಳಿಗೆ ಸ್ವಂತ ಇಂಜಿನಿಯರಿಂಗ್ ವಿನ್ಯಾಸಗಳನ್ನು ನಿರ್ಮಿಸಿ ಪರೀಕ್ಷಿಸಲು ಸವಾಲು ಹಾಕಬಹುದು. 

ನಿರ್ಮಿಸಿ!: ಇವು ನಮಗೆ ಅತ್ಯಂತ ಪ್ರಿಯವಾದ ಕೆಲವು ಇಂಜಿನಿಯರಿಂಗ್ ವಿನ್ಯಾಸ ಸವಾಲುಗಳಾಗಿರುತ್ತವೆ. ಹೆಸರೇ ಸೂಚಿಸುವಂತೆ, ಇವು ವ್ಯಕ್ತಿಗಳು ಅಥವಾ ತಂಡಗಳಿಂದ ಭೌತಿಕ ನಿರ್ಮಾಣವನ್ನು ಬಯಸುವ ಸವಾಲುಗಳಾಗಿರುತ್ತವೆ. ಸಣ್ಣ ಮತ್ತು ದೊಡ್ಡ ಮಕ್ಕಳೆಲ್ಲರಿಗೂ ಸುಲಭವಾಗುವಂತೆ, ವಿವಿಧ ಹಂತದ ಸಂಕೀರ್ಣತೆಗಳನ್ನು ಹೊಂದಿರುವ ವಿನ್ಯಾಸ ಪರಿಹಾರಗಳನ್ನು ನಾವು ಆರಿಸಿಕೊಂಡಿದ್ದೇವೆ. ಪ್ರತಿಯೊಂದು ಸವಾಲಿನಲ್ಲಿಯೂ, ಹೆಚ್ಚು ಆಸಕ್ತಿ ಇರುವ ಯುವ ಇಂಜಿನಿಯರ್‌ಗಳಿಗಾಗಿ ಮುಂದಿನ ಹಂತದ ಸವಾಲುಗಳನ್ನು ನೀಡಲಾಗಿದೆ. ನಿಮ್ಮ ವಿದ್ಯಾರ್ಥಿ ಅಥವಾ ಮಗ/ಮಗಳಿಗೆ ಇಂಜಿನಿಯರಿಂಗ್ ವಿನ್ಯಾಸ ಪ್ರಕ್ರಿಯೆಯಲ್ಲಿ ಮಾರ್ಗದರ್ಶನ ನೀಡಿ ಅಥವಾ ನೀವೇ ಅವರೊಂದಿಗೆ ಸೇರಿ ನಿರ್ಮಿಸಿ!.

ಆಳವಾಗಿ ಅರಿಯಿರಿ: ಇದು ವಿಶ್ವದ ಕೆಲವು ಅದ್ಭುತ ಇಂಜಿನಿಯರ್‌ಗಳು ಮತ್ತು ಅವರ ಅಪ್ರತಿಮ ಸಾಧನೆಗಳ ಬಗ್ಗೆ ಸಂಕ್ಷಿಪ್ತ ವಿವರಣೆಗಳನ್ನು ನೀಡುತ್ತದೆ. ಇದರಲ್ಲಿರುವ ವಿಜ್ಞಾನ ಮತ್ತು ಗಣಿತದ ಬಗ್ಗೆ ಓದುಗರು ಆಳವಾಗಿ ಯೋಚಿಸಲು ಇಲ್ಲಿ ಪೂರಕ ಅಂಶಗಳಿವೆ. ಶಿಕ್ಷಕರೇ, ನಿಮ್ಮದೇ ಆದ ಸಮಗ್ರ STEM (ವಿಜ್ಞಾನ, ತಂತ್ರಜ್ಞಾನ, ಇಂಜಿನಿಯರಿಂಗ್ ಮತ್ತು ಗಣಿತ) ಕಲಿಕಾ ಅನುಭವಗಳನ್ನು ರೂಪಿಸಲು ಅಥವಾ ತರಗತಿಯ ಸಂಶೋಧನಾ ಯೋಜನೆಗಳಿಗೆ ಆಧಾರವಾಗಿ ಆಳವಾಗಿ ಅರಿಯಿರಿ ಅನ್ನು ಬಳಸಿ. ಪೋಷಕರೇ, ಇಂಜಿನಿಯರ್‌ಗಳು ನಿರ್ಮಿಸಬಹುದಾದ ಅದ್ಭುತ ಪ್ರಪಂಚದ ಬಗ್ಗೆ ನಿಮ್ಮ ಮಗುವಿನೊಂದಿಗೆ ಸಂಭಾಷಣೆ ಆರಂಭಿಸಲು ಇದನ್ನು ಬಳಸಿ.