FAQs

FAQ ಗಳು

Next Engineers ಮತ್ತು ಇಂಜಿನಿಯರಿಂಗ್‌ ಬಗ್ಗೆ ಸಾಮಾನ್ಯ ಪ್ರಶ್ನೆಗಳಿಗೆ ಉತ್ತರಗಳನ್ನು ಹುಡುಕಿ.

Next Engineers ಎಂದರೇನು?

Next Engineers ಎನ್ನುವುದು ಜಾಗತಿಕ ಮಟ್ಟದ ಕಾಲೇಜು ಮತ್ತು ವೃತ್ತಿಜೀವನದ ಸಿದ್ಧತಾ ಕಾರ್ಯಕ್ರಮವಾಗಿದ್ದು, ಇದು 13 ರಿಂದ 18 ವರ್ಷದೊಳಗಿನ ಯುವಕರು ಇಂಜಿನಿಯರ್‌ಗಳಾಗಲು ಅವಕಾಶಗಳನ್ನು ಸೃಷ್ಟಿಸುತ್ತದೆ. 2021ರಲ್ಲಿ GE Foundation ವತಿಯಿಂದ ವಿಶ್ವದ ನಾಲ್ಕು ಪ್ರಮುಖ ನಗರಗಳಲ್ಲಿ ಪ್ರಾರಂಭವಾದ ಈ ಕಾರ್ಯಕ್ರಮವು, ವಿದ್ಯಾರ್ಥಿಗಳಿಗೆ ಇಂಜಿನಿಯರಿಂಗ್ ಪರಿಕಲ್ಪನೆಗಳು ಮತ್ತು ವೃತ್ತಿಜೀವನದ ಬಗ್ಗೆ ಪ್ರತ್ಯಕ್ಷ ಅನುಭವಗಳನ್ನು ನೀಡುತ್ತದೆ. ಅಂತಿಮವಾಗಿ ಇಂಜಿನಿಯರಿಂಗ್‌ನಲ್ಲಿ ಉನ್ನತ ಶಿಕ್ಷಣವನ್ನು ಪಡೆಯಲು ಇದು ಭಾಗಶಃ ಸ್ಕಾಲರ್‌ಶಿಪ್‌ ಅನ್ನೂ ಸಹ ನೀಡುತ್ತದೆ.
Next Engineers ಕಾರ್ಯಕ್ರಮವು ಓಹಿಯೋದ ಸಿನ್ಸಿನಾಟಿ ಮತ್ತು ಪೋಲೆಂಡ್‌ನ ವಾರ್ಸಾದಲ್ಲಿ GE Aerospace Foundation ಮೂಲಕ ಮುಂದುವರಿಯುತ್ತಿದೆ. ಅಲ್ಲದೆ, ಸೌತ್‌ ಕೆರೊಲಿನಾದ ಗ್ರೀನ್‌ವಿಲ್‌; ದಕ್ಷಿಣ ಆಫ್ರಿಕಾದ ಜೋಹಾನ್ಸ್‌ಬರ್ಗ್ ಮತ್ತು UK ಯ ಸ್ಟಫರ್ಡ್‌ಶೈರ್‌ನಲ್ಲಿ GE Vernova ಈ ಕಾರ್ಯಕ್ರಮಕ್ಕೆ ಬೆಂಬಲ ನೀಡುತ್ತಿದೆ.

ಇಂಜಿನಿಯರ್‌ ಎಂದರೆ ಯಾರು?

ಇಂಜಿನಿಯರ್ ಪ್ರಶ್ನೆಗಳನ್ನು ಕೇಳುತ್ತಾರೆ ಮತ್ತು ಸಮಸ್ಯೆಗಳನ್ನು ಪರಿಹರಿಸಲು ವಿಜ್ಞಾನ ಮತ್ತು ಗಣಿತವನ್ನು ಬಳಸುತ್ತಾರೆ. ವಸ್ತುಗಳು ಹೇಗೆ ಕೆಲಸ ಮಾಡುತ್ತವೆ ಎಂಬುದನ್ನು ಇಂಜಿನಿಯರ್‌ಗಳು ಕಂಡುಕೊಳ್ಳುತ್ತಾರೆ ಮತ್ತು ವೈಜ್ಞಾನಿಕ ಆವಿಷ್ಕಾರಗಳಿಗೆ ಪ್ರಾಯೋಗಿಕ ರೂಪ ನೀಡುತ್ತಾರೆ. ಈ ಹಿಂದೆ ಯಾರೂ ಊಹಿಸದ ಹೊಸ ವಿಷಯಗಳನ್ನು ಕಲ್ಪಿಸಿಕೊಳ್ಳುವುದು ಮತ್ತು ಸಾಕಾರಗೊಳಿಸುವುದು ಒಬ್ಬ ಇಂಜಿನಿಯರ್‌ನ ಪ್ರಮುಖ ಗುಣವಾಗಿದೆ. ಇಂಜಿನಿಯರ್ ಒಬ್ಬ ಸೃಷ್ಟಿಕರ್ತನೂ ಹೌದು, ಅವರು ದೈನಂದಿನ ಜೀವನಕ್ಕೆ ಬೇಕಾದ ವಸ್ತುಗಳನ್ನು ತಯಾರಿಸುತ್ತಾರೆ. ಹೆಚ್ಚಿನ ಜನರಿಗೆ ಕೈಗೆಟುಕುವ ದರದಲ್ಲಿ ಶುದ್ಧ ಇಂಧನವನ್ನು ತಲುಪಿಸುವುದು ಮತ್ತು ಎಲ್ಲೆಡೆ ಶುದ್ಧ ನೀರು ಲಭ್ಯವಾಗುವಂತೆ ಮಾಡುವುದು ಸೇರಿದಂತೆ ವಾಸ್ತವ ಪ್ರಪಂಚದ ಸಮಸ್ಯೆಗಳನ್ನು ಇಂಜಿನಿಯರ್‌ಗಳು ಪರಿಹರಿಸುತ್ತಾರೆ.

ವಿವಿಧ ರೀತಿಯ ಇಂಜಿನಿಯರ್‌ಗಳಿದ್ದಾರೆ, ಉದಾಹರಣೆಗೆ:

ಸಿವಿಲ್ ಇಂಜಿನಿಯರ್‌ಗಳು: ರಸ್ತೆಗಳು, ಸೇತುವೆಗಳು, ಕಟ್ಟಡಗಳು, ಅಣೆಕಟ್ಟುಗಳು ಮತ್ತು ಇತರ ರಚನೆಗಳನ್ನು ವಿನ್ಯಾಸಗೊಳಿಸುತ್ತಾರೆ ಮತ್ತು ನಿರ್ಮಿಸುತ್ತಾರೆ. ಅವು ಸುರಕ್ಷಿತವಾಗಿವೆ ಮತ್ತು ದೀರ್ಘಕಾಲ ಬಾಳಿಕೆ ಬರುತ್ತವೆ ಎಂದು ಇವರು ಖಚಿತಪಡಿಸಿಕೊಳ್ಳುತ್ತಾರೆ.
ಮೆಕ್ಯಾನಿಕಲ್ ಇಂಜಿನಿಯರ್‌ಗಳು: ಆಂಬ್ಯುಲೆನ್ಸ್, ಜೆಟ್ ಇಂಜಿನ್, ಟೆಲಿಸ್ಕೋಪ್‌ಗಳು ಮತ್ತು ಜೈಂಟ್ ವೀಲ್‌ಗಳಂತಹ ಯಂತ್ರಗಳನ್ನು ವಿನ್ಯಾಸಗೊಳಿಸುತ್ತಾರೆ ಮತ್ತು ನಿರ್ಮಿಸುತ್ತಾರೆ.
ಎಲೆಕ್ಟ್ರಿಕಲ್ ಇಂಜಿನಿಯರ್‌ಗಳು: ಟ್ರಾಫಿಕ್‌ ಲೈಟ್‌ಗಳಂತಹ ಅಗತ್ಯ ವಸ್ತುಗಳನ್ನು ತಯಾರಿಸಲು ವಿದ್ಯುಚ್ಛಕ್ತಿಯೊಂದಿಗೆ ಕೆಲಸ ಮಾಡುತ್ತಾರೆ ಅಥವಾ ಕಾರುಗಳಿಗೆ ಶಕ್ತಿ ಒದಗಿಸಲು ಮತ್ತು ಎಲೆಕ್ಟ್ರಿಕ್ ವಿಮಾನದ ಇಂಜಿನ್‌ಗಳನ್ನು ವಿನ್ಯಾಸಗೊಳಿಸಲು ವಿದ್ಯುತ್ ಅನ್ನು ಬಳಸುತ್ತಾರೆ.
ಕೆಮಿಕಲ್ ಇಂಜಿನಿಯರ್‌ಗಳು: ಕಚ್ಚಾ ವಸ್ತುಗಳನ್ನು ಬಳಸಿಕೊಂಡು ಹೊಸ ಉತ್ಪನ್ನಗಳನ್ನು ತಯಾರಿಸುತ್ತಾರೆ. ಇವರು ಹೆಚ್ಚು ದಕ್ಷತೆಯ ಸೌರ ಫಲಕಗಳು ಮತ್ತು ದೊಡ್ಡ ಸ್ಟೋರೇಜ್ ಬ್ಯಾಟರಿಗಳನ್ನು ತಯಾರಿಸಲು ಕೆಲಸ ಮಾಡುತ್ತಾರೆ.

ನೈಜ ಇಂಜಿನಿಯರ್‌ಗಳಿಂದ ಇಂಜಿನಿಯರಿಂಗ್ ಬಗ್ಗೆ ಇನ್ನಷ್ಟು ತಿಳಿದುಕೊಳ್ಳಲು ಮತ್ತು ನಮ್ಮ ವೃತ್ತಿಜೀವನದ ವಿವರಗಳನ್ನು ನೋಡಲು ನಮ್ಮ ಇಂಜಿನಿಯರ್‌ಗಳು ಏನು ಮಾಡುತ್ತಾರೆ? ಪುಟಕ್ಕೆ ಭೇಟಿ ನೀಡಿ.

Next Engineers ಕಾರ್ಯಕ್ರಮವು ಉಚಿತವೇ?

ಹೌದು, Next Engineers ನ ಎಲ್ಲಾ ಕಾರ್ಯಕ್ರಮಗಳಿಗೆ GE Aerospace Foundation ಸಂಪೂರ್ಣವಾಗಿ ಧನಸಹಾಯ ನೀಡುತ್ತದೆ. Engineering Discovery ಕಾರ್ಯಕ್ರಮವು 13-14 ವರ್ಷದ ಮಕ್ಕಳಿಗೆ ಅವರ ತರಗತಿಗಳಲ್ಲಿ ಮತ್ತು ಸಮುದಾಯ ಕಾರ್ಯಕ್ರಮಗಳಲ್ಲಿ ಇಂಜಿನಿಯರಿಂಗ್ ಬಗ್ಗೆ ತಿಳುವಳಿಕೆ ನೀಡುತ್ತದೆ. 14-15 ವರ್ಷದ ಮಕ್ಕಳು ಒಂದು ವಾರದ Engineering Camp ಗೆ ಉಚಿತವಾಗಿ ಹಾಜರಾಗಬಹುದು. Engineering Academy ಕಾರ್ಯಕ್ರಮವು 15 ವರ್ಷದಿಂದ ಮೇಲ್ಪಟ್ಟ ವಿದ್ಯಾರ್ಥಿಗಳಿಗೆ ಶಾಲಾ ಸಮಯದ ನಂತರ 160 ಗಂಟೆಗಳಿಗೂ ಹೆಚ್ಚು ಕಾಲ ಉಚಿತ ತರಬೇತಿಯನ್ನು ನೀಡುತ್ತದೆ.

Engineering Academy ಗೆ ಏಕೆ ಅರ್ಜಿ ಸಲ್ಲಿಸಬೇಕು? ಅರ್ಜಿ ಸಲ್ಲಿಸಲು ಏನೆಲ್ಲಾ ಅಗತ್ಯವಿದೆ?

Engineering Academy ಪ್ರತಿ ವರ್ಷ ಪ್ರತಿ ಕೇಂದ್ರಕ್ಕೆ ಸೀಮಿತ ಸಂಖ್ಯೆಯ ವಿದ್ಯಾರ್ಥಿಗಳನ್ನು ಮಾತ್ರ ಆಯ್ಕೆ ಮಾಡಿಕೊಳ್ಳುತ್ತದೆ. ಇಂಜಿನಿಯರಿಂಗ್‌ನಲ್ಲಿ ತೀವ್ರ ಆಸಕ್ತಿ ಹೊಂದಿರುವ, ಸಂಬಂಧಿತ ವಿಜ್ಞಾನ ಮತ್ತು ಗಣಿತ ವಿಷಯಗಳಲ್ಲಿ ಉತ್ತಮ ಶೈಕ್ಷಣಿಕ ಸಾಧನೆ ತೋರುವ ಹಾಗೂ ಮುಂದಿನ ಹಲವಾರು ವರ್ಷಗಳ ಕಾಲ ಈ ಕಾರ್ಯಕ್ರಮದಲ್ಲಿ ಸಕ್ರಿಯವಾಗಿ ಪಾಲ್ಗೊಳ್ಳಲು ಬದ್ಧರಾಗಿರುವ ವಿದ್ಯಾರ್ಥಿಗಳಿಗೆ ಇಲ್ಲಿ ಆದ್ಯತೆ ನೀಡಲಾಗುತ್ತದೆ. ವಿದ್ಯಾರ್ಥಿಗಳು ವಾಸ್ತವ ಪ್ರಪಂಚದ ಇಂಜಿನಿಯರಿಂಗ್ ಕಲಿಕಾ ಚಟುವಟಿಕೆಗಳಲ್ಲಿ ಆಳವಾಗಿ ತೊಡಗಿಸಿಕೊಳ್ಳಲು ಅನುವಾಗಲಿ ಎಂಬ ಉದ್ದೇಶದಿಂದ ಈ ಕಾರ್ಯಕ್ರಮವನ್ನು ಸಣ್ಣ ಮಟ್ಟದಲ್ಲಿ ವಿನ್ಯಾಸಗೊಳಿಸಲಾಗಿದೆ. ಇದರ ಜೊತೆಗೆ, ವಿದ್ಯಾರ್ಥಿಗಳು ಸುದೀರ್ಘ ಸಮಯದವರೆಗೆ ತಮ್ಮ ತಂಡಗಳು ಮತ್ತು ಬೋಧಕರೊಂದಿಗೆ ನಿಕಟವಾಗಿ ಕೆಲಸ ಮಾಡುತ್ತಾರೆ. ಕಾರ್ಯಕ್ರಮದ ಈ ತಲ್ಲೀನಗೊಳಿಸುವ (ಇಮ್ಮರ್ಸೀವ್) ಸ್ವರೂಪವು, ಹಂತಹಂತವಾಗಿ ಸವಾಲಾಗುತ್ತಾ ಹೋಗುವ ಪಠ್ಯಕ್ರಮದ ಮೂಲಕ ವಿದ್ಯಾರ್ಥಿಗಳು ಇಂಜಿನಿಯರ್‌ಗಳಂತೆ ಆಲೋಚಿಸಲು ಮತ್ತು ಕಾರ್ಯನಿರ್ವಹಿಸಲು ಸಹಾಯ ಮಾಡುತ್ತದೆ.

ವಿದ್ಯಾರ್ಥಿಗಳು ತಮ್ಮ ಶೈಕ್ಷಣಿಕ ಸಾಧನೆಗಳು (ಗ್ರೇಡ್‌ಗಳೂ ಸೇರಿದಂತೆ), ತಮಗೆ ಈ ವಿಷಯದಲ್ಲಿ ಏಕೆ ಆಸಕ್ತಿಯಿದೆ ಎಂಬ ಬಗ್ಗೆ ಸಂಕ್ಷಿಪ್ತ ವಿವರಣೆ ಮತ್ತು ಒಂದು ಶಿಫಾರಸು ಪತ್ರವನ್ನು ಒಳಗೊಂಡ ಅರ್ಜಿಯನ್ನು ಸಲ್ಲಿಸಬೇಕೆಂದು ನಿರೀಕ್ಷಿಸಲಾಗುತ್ತದೆ. ಆಸಕ್ತ ವಿದ್ಯಾರ್ಥಿಗಳು ತಮ್ಮ ಸ್ಥಳೀಯ Engineering Academy ನ ಅರ್ಜಿಯ ನಮೂನೆಯನ್ನು Next Engineers ಸ್ಥಳಗಳ ಎಂಬಲ್ಲಿಂದ ಪಡೆಯಬಹುದು.

ಇಂಜಿನಿಯರಿಂಗ್‌ ಏಕೆ ಪ್ರಾಮುಖ್ಯತೆ ಹೊಂದಿದೆ?

ಸುಸ್ಥಿರವಾಗಿ ಕಾರ್ಯನಿರ್ವಹಿಸುವ ಜಗತ್ತನ್ನು ನಿರ್ಮಿಸಲು ಇಂಜಿನಿಯರ್‌ಗಳನ್ನು ಪ್ರೇರೇಪಿಸುವುದು ಅತ್ಯಗತ್ಯ. Next Engineers:

ಜಾಗತಿಕ ಸವಾಲುಗಳಿಗೆ ಪರಿಹಾರ: ಸುಸೂತ್ರವಾಗಿ ನಡೆಯುವ ಜಗತ್ತಿಗಾಗಿ ಇಂಜಿನಿಯರ್‌ಗಳು ಹೊಸ ನೀಲಿ ನಕ್ಷೆಗಳನ್ನು ಸಿದ್ಧಪಡಿಸುತ್ತಿದ್ದಾರೆ. ವಿವಿಧ ಹಿನ್ನೆಲೆಗಳಿಂದ ಬಂದ ಇಂಜಿನಿಯರ್‌ಗಳು ತಮ್ಮದೇ ಆದ ವಿಶಿಷ್ಟ ದೃಷ್ಟಿಕೋನಗಳನ್ನು ಹೊಂದಿರುತ್ತಾರೆ. ಇದು ಸ್ವಚ್ಛ ಇಂಧನದಿಂದ ಹಿಡಿದು ಭವಿಷ್ಯದ ವಿಮಾನಯಾನದವರೆಗಿನ ಜಗತ್ತಿನ ಅತಿ ದೊಡ್ಡ ಸವಾಲುಗಳನ್ನು ಮೆಟ್ಟಿ ನಿಲ್ಲಲು ಸಹಾಯ ಮಾಡುತ್ತದೆ.
ಅವಕಾಶಗಳ ಹಾದಿಯತ್ತ ಬೆಳಕು ಚೆಲ್ಲುವುದು: ಇಂಜಿನಿಯರ್ ಆಗಬೇಕೆಂಬ ಛಲ ಮತ್ತು ಕೌಶಲ್ಯವಿರುವ ಪ್ರತಿಯೊಬ್ಬರಿಗೂ ಆ ಕನಸನ್ನು ನನಸಾಗಿಸಿಕೊಳ್ಳುವ ಹಾದಿ ಮುಕ್ತವಾಗಿರಬೇಕು. Next Engineers ಅಂತಹ ಎಲ್ಲಾ ಪ್ರತಿಭೆಗಳಿಗೆ ಅಗತ್ಯ ಬೆಂಬಲ ಮತ್ತು ವೇದಿಕೆಯನ್ನು ಒದಗಿಸುತ್ತದೆ. ಇಂದು ವಿದ್ಯಾರ್ಥಿಗಳ ಮೇಲೆ ನಾವು ಮಾಡುವ ಹೂಡಿಕೆಯು, ಭವಿಷ್ಯದಲ್ಲಿ ನೈಪುಣ್ಯವುಳ್ಳ ಇಂಜಿನಿಯರ್‌ಗಳ ಬೇಡಿಕೆಯನ್ನು ಪೂರೈಸಲು ಬಲವಾದ ಅಡಿಪಾಯವಾಗಲಿದೆ.
ಇಂಜಿನಿಯರಿಂಗ್ ಬಗೆಗಿನ ದೃಷ್ಟಿಕೋನ ಬದಲಿಸುವುದು: ಅನೇಕ ಯುವಜನರಲ್ಲಿ ಇಂಜಿನಿಯರಿಂಗ್ ಕ್ಷೇತ್ರವೆಂದರೆ ಹೀಗೆಯೇ ಇರುತ್ತದೆ ಎಂಬ ಕೆಲವು ಪೂರ್ವಾಗ್ರಹ ಪೀಡಿತ ಕಲ್ಪನೆಗಳಿವೆ. ವಿವಿಧ ಕ್ಷೇತ್ರಗಳಲ್ಲಿ ಸಾಧನೆ ಮಾಡಿದ ಇಂಜಿನಿಯರಿಂಗ್ ಮಾದರಿ ವ್ಯಕ್ತಿಗಳನ್ನು (Role Models) ವಿದ್ಯಾರ್ಥಿಗಳಿಗೆ ಪರಿಚಯಿಸುವ ಮೂಲಕ, ಯಾರೇ ಆದರೂ ಈ ವೃತ್ತಿಜೀವನವನ್ನು ಯಶಸ್ವಿಯಾಗಿ ಆರಿಸಿಕೊಳ್ಳಬಹುದು ಎಂಬ ಆತ್ಮವಿಶ್ವಾಸವನ್ನು Next Engineers ಮೂಡಿಸುತ್ತದೆ

ಈ ಉಪಕ್ರಮವು ವಿದ್ಯಾರ್ಥಿಗಳಲ್ಲಿ ಸ್ಫೂರ್ತಿ ತುಂಬುವ ಮತ್ತು ಅವರನ್ನು ಪೋಷಿಸುವ ಗುರಿಯನ್ನು ಹೊಂದಿದೆ. ಪ್ರತಿಯೊಬ್ಬ ವಿದ್ಯಾರ್ಥಿಯು ತನ್ನದೇ ಆದ ವಿಶಿಷ್ಟ ದೃಷ್ಟಿಕೋನವನ್ನು ಈ ಕ್ಷೇತ್ರಕ್ಕೆ ತರುವ ಮೂಲಕ, ಜಾಗತಿಕ ಸಮಸ್ಯೆಗಳನ್ನು ಪರಿಹರಿಸುವ ಮುಂದಿನ ಪೀಳಿಗೆಯ ರೂವಾರಿಗಳಾಗಲು ಇದು ಸಹಕಾರಿಯಾಗಿದೆ.

ನನ್ನ ಮಗ/ಮಗಳು Next Engineers ನಲ್ಲಿ ಹೇಗೆ ಭಾಗವಹಿಸಬಹುದು?

Next Engineers ಕಾರ್ಯಕ್ರಮವು (Engineering Discovery, Camp, ಮತ್ತು Academy) ಪ್ರಸ್ತುತ 5 ಸ್ಥಳಗಳಲ್ಲಿ ನಡೆಯುತ್ತಿದೆ: ಅಮೆರಿಕದ ಸಿನ್ಸಿನಾಟಿ (ಒಹಾಯೊ) ಮತ್ತು ಗ್ರೀನ್‌ವಿಲ್ (ಸೌತ್ ಕೆರೊಲಿನಾ), ಬ್ರಿಟನ್‌ನ ಸ್ಟಾಫರ್ಡ್‌ಶೈರ್, ಪೋಲೆಂಡ್‌ನ ವಾರ್ಸಾ ಮತ್ತು ದಕ್ಷಿಣ ಆಫ್ರಿಕಾದ ಜೋಹಾನ್ಸ್‌ಬರ್ಗ್. Engineering Discovery: ಇಲ್ಲಿ ಹೆಚ್ಚಿನ ಕಾರ್ಯಕ್ರಮಗಳು ಶಾಲೆಗಳಲ್ಲೇ ನಡೆಯುವುದರಿಂದ, ವಿದ್ಯಾರ್ಥಿಗಳು ಪ್ರತ್ಯೇಕವಾಗಿ ನೋಂದಾಯಿಸಿಕೊಳ್ಳುವ ಅಗತ್ಯವಿಲ್ಲ. Engineering Camp ವರ್ಷಕ್ಕೊಮ್ಮೆ, ಸಾಮಾನ್ಯವಾಗಿ ಜೂನ್ ಮತ್ತು ಆಗಸ್ಟ್ ನಡುವೆ ನಡೆಯುತ್ತದೆ. ಇಲ್ಲಿ ಸ್ಥಳಾವಕಾಶ ಸೀಮಿತವಾಗಿರುವುದರಿಂದ, ವಿದ್ಯಾರ್ಥಿಗಳು ಅರ್ಜಿ ಸಲ್ಲಿಸಬೇಕು ಮತ್ತು ಲಾಟರಿ ಮೂಲಕ ವಿದ್ಯಾರ್ಥಿಗಳನ್ನು ಆಯ್ಕೆ ಮಾಡಲಾಗುತ್ತದೆ. ಪ್ರತಿ ಸೆಶನ್ 1 ವಾರ ಇರುತ್ತದೆ. Engineering Academy ಗಾಗಿ ವಿದ್ಯಾರ್ಥಿಗಳು ತಮ್ಮ 10ನೇ ತರಗತಿಯ (ವರ್ಷ 11) ಆರಂಭದಲ್ಲಿ ಅಥವಾ ಅದಕ್ಕಿಂತ ಮುಂಚೆಯೇ ಅರ್ಜಿ ಸಲ್ಲಿಸಬೇಕು. ಅರ್ಹತಾ ಮಾನದಂಡಗಳನ್ನು ಪೂರೈಸುವ ವಿದ್ಯಾರ್ಥಿಗಳನ್ನು ಲಾಟರಿ ಮೂಲಕ ಈ ಕಾರ್ಯಕ್ರಮಕ್ಕೆ ಆಯ್ಕೆ ಮಾಡಲಾಗುತ್ತದೆ.

ನಿಮ್ಮ ಪ್ರದೇಶದಲ್ಲಿ ಲಭ್ಯವಿರುವ ಕಾರ್ಯಕ್ರಮಗಳ ಬಗ್ಗೆ ತಿಳಿಯಲು ನಿಮ್ಮ ಸ್ಥಳದ ಪುಟಕ್ಕೆ ಭೇಟಿ ನೀಡಿ.

ನೀವು ಈ ಮೇಲಿನ 5 ಸ್ಥಳಗಳಲ್ಲಿ ವಾಸಿಸುತ್ತಿಲ್ಲವೇ? ಚಿಂತಿಸಬೇಡಿ, ನೀವು ಮನೆಯಲ್ಲೇ ಮಾಡಬಹುದಾದ ಉಚಿತ ಚಟುವಟಿಕೆಗಳಿಗಾಗಿ ನಮ್ಮ ' ನಿಮಗೆ ನೀವೇ ಸವಾಲು ಹಾಕಿಕೊಳ್ಳಿ' ಪುಟವನ್ನು ನೋಡಿ.

ನನಗೆ ಲಾಗಿನ್‌ ಮಾಡಲು ಸಮಸ್ಯೆಯಾಗುತ್ತಿದೆ - ನಾನು ಏನು ಮಾಡಬೇಕು?

ವಿದ್ಯಾರ್ಥಿಗಳ ಗೌಪ್ಯತೆ ಮತ್ತು ದತ್ತಾಂಶವನ್ನು ರಕ್ಷಿಸಲು, ನಮ್ಮ ಅನೇಕ ಅರ್ಜಿ ನಮೂನೆಗಳಿಗೆ ಬಳಕೆದಾರರು ವೆಬ್‌ಸೈಟ್ ಖಾತೆಗಳನ್ನು ರಚಿಸುವುದು ಮತ್ತು ಲಾಗಿನ್ ಆಗುವುದು ಕಡ್ಡಾಯವಾಗಿದೆ. NextEngineers.org ನಲ್ಲಿ ಖಾತೆಯನ್ನು ರಚಿಸುವುದು ಎರಡು ಹಂತಗಳ ಪ್ರಕ್ರಿಯೆಯಾಗಿದೆ: ಮೊದಲನೆಯದಾಗಿ, ನೀವು ಹೊಸ ಖಾತೆಯನ್ನು ರಚಿಸಲು ಫಾರ್ಮ್ ಅನ್ನು ಭರ್ತಿ ಮಾಡಬೇಕು. ದಯವಿಟ್ಟು ನೀವು ಬಳಸುತ್ತಿರುವ ಇಮೇಲ್ ವಿಳಾಸವು ಚಾಲ್ತಿಯಲ್ಲಿದೆ ಮತ್ತು ಸರಿಯಾಗಿದೆ ಎಂದು ಖಚಿತಪಡಿಸಿಕೊಳ್ಳಿ. ನಂತರ ವೆಬ್‌ಸೈಟ್ ನಿಮಗೆ "Account details for [username] at Next Engineers" ಎಂಬ ವಿಷಯದೊಂದಿಗೆ ಒಂದು ಇಮೇಲ್ ಕಳುಹಿಸಲಾಗುತ್ತದೆ. ಅದರಲ್ಲಿರುವ ಲಿಂಕ್ ಅನ್ನು ಕ್ಲಿಕ್ ಮಾಡುವ ಮೂಲಕ ನಿಮ್ಮ ಖಾತೆ ಸಿದ್ಧಪಡಿಸುವ ಪ್ರಕ್ರಿಯೆಯನ್ನು ಪೂರ್ಣಗೊಳಿಸಿ. ನಿಮ್ಮ ಪಾಸ್‌ವರ್ಡ್ ಅನ್ನು ರಚಿಸಿ ಮತ್ತು ಖಾತೆಯನ್ನು ಅಂತಿಮಗೊಳಿಸಿ. ಈಗ ನೀವು ಸೈನ್ ಇನ್ ಆಗಲು ಸಾಧ್ಯವಿರುತ್ತದೆ.

ಒಂದು ವೇಳೆ ನಿಮ್ಮ ಪಾಸ್‌ವರ್ಡ್ ಅನ್ನು ನೀವು ಮರೆತರೆ, ಅದನ್ನು ಇಲ್ಲಿ ಮರುಹೊಂದಿಸಬಹುದು.

ನಮ್ಮ ಕಾರ್ಯಕ್ರಮಗಳಿಗೆ ಅರ್ಜಿ ಸಲ್ಲಿಸುವ ಬಗ್ಗೆ ಹೆಚ್ಚಿನ ವಿವರವಾದ ಮಾರ್ಗದರ್ಶನಕ್ಕಾಗಿ, ನಮ್ಮ 'Camp ಮತ್ತು Academy' ಸೂಚನೆಗಳನ್ನು ಓದಿ.

Next Engineers ಕಾರ್ಯಕ್ರಮವು 13 ವರ್ಷ ವಯಸ್ಸಿನ ವಿದ್ಯಾರ್ಥಿಗಳಿಂದಲೇ ಏಕೆ ಪ್ರಾರಂಭವಾಗುತ್ತದೆ?

ವಿದ್ಯಾರ್ಥಿಗಳಿಗೆ ಇಂಜಿನಿಯರಿಂಗ್ ಅನ್ನು ಆರಂಭಿಕ ಹಂತದಲ್ಲೇ ಪರಿಚಯಿಸುವುದು ಅತ್ಯಂತ ನಿರ್ಣಾಯಕವಾಗಿರುತ್ತದೆ. ವಾಸ್ತವವಾಗಿ, 13 ವರ್ಷ ವಯಸ್ಸಿನೊಳಗೆ ಇಂಜಿನಿಯರಿಂಗ್ ತತ್ವಗಳ ಬಗ್ಗೆ ಪರಿಚಯ ಪಡೆದ ಯುವಕರು, ಉನ್ನತ ಶಿಕ್ಷಣದಲ್ಲಿ ಮತ್ತು ತಮ್ಮ ವೃತ್ತಿಜೀವನವಾಗಿ ಇಂಜಿನಿಯರಿಂಗ್ ಅನ್ನು ಆಯ್ಕೆ ಮಾಡಿಕೊಳ್ಳುವ ಸಾಧ್ಯತೆ ಹೆಚ್ಚು ಎಂದು ಸಂಶೋಧನೆಗಳು ತೋರಿಸುತ್ತವೆ.

Next Engineers ಕಾರ್ಯಕ್ರಮವು 13 ನೇ ವಯಸ್ಸಿನಲ್ಲೇ ಅರಿವು ಮೂಡಿಸುವುದರೊಂದಿಗೆ ಪ್ರಾರಂಭವಾಗುತ್ತದೆ, ಪ್ರೌಢಶಾಲಾ ಹಂತದಲ್ಲಿ (14 ರಿಂದ 18 ವರ್ಷಗಳವರೆಗೆ) ವಿದ್ಯಾರ್ಥಿಗಳಲ್ಲಿ ಆಸಕ್ತಿಯನ್ನು ಹುಟ್ಟುಹಾಕುತ್ತದೆ ಮತ್ತು ಮಾರ್ಗದರ್ಶನ ನೀಡುತ್ತದೆ. ಅಲ್ಲದೆ, ಭಾಗಶಃ ಸ್ಕಾಲರ್‌ಶಿಪ್‌ ಮೂಲಕ ಉನ್ನತ ಶಿಕ್ಷಣಕ್ಕೆ ಆರ್ಥಿಕ ಬೆಂಬಲವನ್ನೂ ಒದಗಿಸುತ್ತದೆ.

Connect

Want to know more or how to get involved? Are you an aspiring engineer or do you know one? We want to hear from you. Send us your questions and follow us on social media:

Follow GE Aerospace

Follow GE VERNOVA

Cities navigation

Inspiration navigation

News navigation

Resources navigation