Engineering Academy
ಬದುಕನ್ನೇ ಬದಲಿಸುವ ವಿಶಿಷ್ಟ ಕಲಿಕೆಯ ಅನುಭವ
ಮೂರು ವರ್ಷಗಳ ಅವಧಿಯಲ್ಲಿ, ವಿದ್ಯಾರ್ಥಿಗಳು (15 ರಿಂದ 18 ವರ್ಷದವರು) ಇಂಜಿನಿಯರ್ಗಳಂತೆ ಯೋಚಿಸಲು ಮತ್ತು ಕಾರ್ಯನಿರ್ವಹಿಸಲು ಕಲಿಯುತ್ತಾರೆ ಹಾಗೂ ತಮ್ಮ ಉನ್ನತ ಶಿಕ್ಷಣದ ಕನಸಿಗೆ ಭದ್ರ ಬುನಾದಿ ಹಾಕಿಕೊಳ್ಳುತ್ತಾರೆ. ಶಾಲಾ ಸಮಯದ ಹೊರತಾಗಿ 3 ವರ್ಷಗಳಲ್ಲಿ ಒಟ್ಟು 220 ಕ್ಕೂ ಹೆಚ್ಚು ಗಂಟೆಗಳ ಕಾಲ ನಡೆಯುವ ಈ 'ಅಕಾಡೆಮಿ' ಕಾರ್ಯಕ್ರಮವು ಯುವಜನರಿಗೆ ಇಂಜಿನಿಯರಿಂಗ್ ಲೋಕದ ಸವಾಲುಗಳನ್ನು ಎದುರಿಸಲು ಬೇಕಾದ ಕೌಶಲಗಳನ್ನು ನೀಡುತ್ತದೆ. ಇದರಲ್ಲಿ ರೋಚಕ ವಿನ್ಯಾಸದ ಸವಾಲುಗಳು, ವೃತ್ತಿಜೀವನದ ಮಾರ್ಗದರ್ಶನ ಮತ್ತು ಕಾಲೇಜು ಪ್ರವೇಶಕ್ಕೆ ಬೇಕಾದ ತರಬೇತಿಗಳು ಸೇರಿವೆ. ಈ ಕಾರ್ಯಕ್ರಮವನ್ನು ಯಶಸ್ವಿಯಾಗಿ ಪೂರ್ಣಗೊಳಿಸಿ, ಇಂಜಿನಿಯರಿಂಗ್ ಪದವಿಗೆ ಸೇರುವ ವಿದ್ಯಾರ್ಥಿಗಳಿಗೆ GE Aerospace Foundation ವತಿಯಿಂದ ಭಾಗಶಃ ಸ್ಕಾಲರ್ನಶಿಪ್ನ ಸೌಲಭ್ಯವೂ ದೊರೆಯಲಿದೆ.
2025 ರಿಂದ, 2-ವರ್ಷಗಳ ಇಂಜಿನಿಯರಿಂಗ್ ಅಕಾಡೆಮಿ ಕಾರ್ಯಕ್ರಮಕ್ಕೆ ಇಂಜಿನಿಯರಿಂಗ್ ಅಕಾಡೆಮಿ ವಿದ್ಯಾರ್ಥಿಗಳು ಸೇರಲಿದ್ದು, ಈ ಎರಡು ವರ್ಷಗಳಲ್ಲಿ ಶಾಲಾ ಅವಧಿಯ ಹೊರತಾಗಿ ಒಟ್ಟು 180ಕ್ಕೂ ಹೆಚ್ಚು ಗಂಟೆಗಳ ತರಬೇತಿ ಇರುತ್ತದೆ.
description
Engineering Academy ಕೇವಲ ಒಂದು ತರಬೇತಿಯಲ್ಲ; ಇದು ವಿದ್ಯಾರ್ಥಿಗಳನ್ನು ವಿಶ್ವವಿದ್ಯಾಲಯ ಮಟ್ಟದ ಇಂಜಿನಿಯರಿಂಗ್ ವ್ಯಾಸಂಗಕ್ಕೆ ಅಥವಾ ಅಪ್ರೆಂಟಿಸ್ಶಿಪ್ನಂತಹ ಉನ್ನತ ವೃತ್ತಿಪರ ಹಂತಗಳಿಗೆ ಸಿದ್ಧಪಡಿಸುವ ಒಂದು ಮಹತ್ವದ ವೇದಿಕೆ. ಇಲ್ಲಿ GE Aerospace ಮತ್ತು GE Vernova ಸ್ವಯಂಸೇವಕರು ಹಾಗೂ Next Engineers ಸಮುದಾಯ ಪಾಲುದಾರರು ಶಾಲಾ ಸಮಯದ ಹೊರತಾಗಿ ವಿದ್ಯಾರ್ಥಿಗಳೊಂದಿಗೆ ಆಪ್ತವಾಗಿ ಕೆಲಸ ಮಾಡುತ್ತಾರೆ. ತಂಡಗಳಲ್ಲಿ ಕಾರ್ಯನಿರ್ವಹಿಸುವ ವಿದ್ಯಾರ್ಥಿಗಳು, ಹಂತಹಂತವಾಗಿ ಕಠಿಣವಾಗುವ ವಿನ್ಯಾಸದ ಸವಾಲುಗಳನ್ನು ಎದುರಿಸುವ ಮೂಲಕ ಇಂಜಿನಿಯರಿಂಗ್ ವಿನ್ಯಾಸ ಪ್ರಕ್ರಿಯೆಯ ಮರ್ಮವನ್ನು ಅರಿಯುತ್ತಾರೆ. ಇದರೊಂದಿಗೆ, ಸಂವಹನ ಕಲೆ, ಸಮಯ ನಿರ್ವಹಣೆ ಮತ್ತು ಪ್ರೆಸೆಂಟೇಶನ್ನಂತಹ ಜೀವನಕ್ಕೆ ಅಗತ್ಯವಾದ ಕೌಶಲ್ಯಗಳನ್ನು ಬೆಳೆಸಿಕೊಳ್ಳುತ್ತಾರೆ, ಇದು ಅವರ ಉನ್ನತ ಶಿಕ್ಷಣ ಮತ್ತು ವೃತ್ತಿಜೀವನಕ್ಕೆ ಭದ್ರ ಬುನಾದಿ ಹಾಕಿಕೊಡುತ್ತದೆ. ಅಷ್ಟೇ ಅಲ್ಲದೆ, ತಜ್ಞರೊಂದಿಗೆ ಸಂವಾದ ನಡೆಸುವ, ವಿಶ್ವವಿದ್ಯಾಲಯದ ಕ್ಯಾಂಪಸ್ಗಳಿಗೆ ಭೇಟಿ ನೀಡುವ ಮತ್ತು ನಾವೀನ್ಯತೆ ಕೇಂದ್ರಗಳನ್ನು ಹತ್ತಿರದಿಂದ ನೋಡುವ ಅಪರೂಪದ ಅವಕಾಶಗಳೂ ಇಲ್ಲಿವೆ.
Engineering Academy ಸಂಪೂರ್ಣ ಉಚಿತವಾಗಿದೆ. ವಿದ್ಯಾರ್ಥಿಗಳಿಗೆ ಪೌಷ್ಟಿಕ ಆಹಾರ ಮತ್ತು ಸಾರಿಗೆ ವ್ಯವಸ್ಥೆಯನ್ನು ಕಲ್ಪಿಸಲಾಗುವುದು.
ವಿದ್ಯಾರ್ಥಿಗಳು ಈ ಅಕಾಡೆಮಿಗೆ ಅರ್ಜಿ ಸಲ್ಲಿಸುವುದು ಕಡ್ಡಾಯವಾಗಿದೆ. ಅರ್ಜಿ ಸಲ್ಲಿಸುವ ವಿಧಾನದ ಬಗ್ಗೆ ಹೆಚ್ಚಿನ ಮಾಹಿತಿಗಾಗಿ ಹೇಗೆ ಅರ್ಜಿ ಸಲ್ಲಿಸುವುದು ಪುಟಕ್ಕೆ ಹೋಗಿ. ಅರ್ಜಿ ಸಲ್ಲಿಸುವುದು ಸಂಪೂರ್ಣ ಉಚಿತ. ಅರ್ಜಿಯನ್ನು ಸಲ್ಲಿಸಲು ನಿಮ್ಮ ಸ್ಥಳದ ಪುಟಕ್ಕೆ ಭೇಟಿ ನೀಡಿ ಮತ್ತು ಪುಟದ ಬ್ಯಾನರ್ನಲ್ಲಿರುವ “ಅರ್ಜಿ ಸಲ್ಲಿಸಿ” ಲಿಂಕ್ ಅಥವಾ ಅಕಾಡೆಮಿ ವಿವರಣೆಯ ಪಕ್ಕದಲ್ಲಿರುವ ಬಟನ್ ಮೇಲೆ ಕ್ಲಿಕ್ ಮಾಡಿ.
2025ರಲ್ಲಿ, Engineering Academy ಹೊಸ ವಿದ್ಯಾರ್ಥಿಗಳನ್ನು ಓಹಿಯೋದ ಸಿನ್ಸಿನಾಟಿ ಮತ್ತು ಪೋಲೆಂಡ್ನ ವಾರ್ಸಾದಲ್ಲಿ ಮಾತ್ರ ದಾಖಲಿಸಿಕೊಳ್ಳಲಿದೆ. ದಕ್ಷಿಣ ಕೆರೊಲಿನಾದ ಗ್ರೀನ್ವಿಲ್ಲೆ (USA), ಯುನೈಟೆಡ್ ಕಿಂಗ್ಡಮ್ನ ಸ್ಟಾಫರ್ಧ್ಶೈರ್ ಅಥವಾ ದಕ್ಷಿಣ ಆಫ್ರಿಕಾದ ಜೋಹಾನ್ಸ್ಬರ್ಗ್ನಲ್ಲಿ ನಾವು ಈಗ ಹೊಸದಾಗಿ ವಿದ್ಯಾರ್ಥಿಗಳನ್ನು ಸೇರಿಸಿಕೊಳ್ಳುತ್ತಿಲ್ಲ. ನಿಮ್ಮ ಪ್ರದೇಶದಲ್ಲಿ ಲಭ್ಯವಿರುವ ಇತರ ಕಾರ್ಯಕ್ರಮಗಳ ಬಗ್ಗೆ ತಿಳಿಯಲು ನಿಮ್ಮ ಸ್ಥಳದ ಪುಟಕ್ಕೆ ಭೇಟಿ ನೀಡಿ.
ಇನ್ನಷ್ಟು ತಿಳಿಯಲು ಆಸಕ್ತಿಯೇ?ನೀವು ನಮ್ಮ ಕಾರ್ಯಕ್ರಮದ ಸ್ಥಳಗಳಿಂದ ದೂರದಲ್ಲಿದ್ದರೂ ಅಥವಾ ಇಂಜಿನಿಯರಿಂಗ್ ಬಗ್ಗೆ ಅರಿಯಲು ಇನ್ನೂ ಹೆಚ್ಚಿನ ಹಂಬಲವಿದ್ದರೂ, Next Engineers: Challenge Yourself ಎಂಬುದರ ಮೂಲಕ ಮನೆಯಲ್ಲಿ ಮತ್ತು ತರಗತಿಗಳಲ್ಲಿ ಇಂಜಿನಿಯರಿಂಗ್ ಅನ್ವೇಷಣೆ ಮಾಡಲು ಅಗತ್ಯವಿರುವ ಸಂಪನ್ಮೂಲಗಳನ್ನು ಒದಗಿಸಲಾಗುತ್ತದೆ.
ಪ್ರಭಾವ
Next Engineers ನ ಮೊದಲ ಮೂರು ವರ್ಷಗಳಲ್ಲಿ, Engineering Academy ಯು 528 ವಿದ್ಯಾರ್ಥಿಗಳನ್ನು ತಲುಪಿದೆ. GE Aerospace ಮತ್ತು GE Vernova ಸ್ವಯಂಸೇವಕರು ವಿದ್ಯಾರ್ಥಿಗಳೊಂದಿಗೆ ಕೆಲಸ ಮಾಡಲು 2,000 ಕ್ಕೂ ಹೆಚ್ಚು ಗಂಟೆಗಳನ್ನು ವಿನಿಯೋಗಿಸಿದ್ದಾರೆ. ಇದರ ಫಲವಾಗಿ, ತಂಡ 1 ರ ಶೇ. 90 ಕ್ಕೂ ಹೆಚ್ಚು ವಿದ್ಯಾರ್ಥಿಗಳು ಯಶಸ್ವಿಯಾಗಿ ಕಾರ್ಯಕ್ರಮವನ್ನು ಪೂರ್ಣಗೊಳಿಸಿ, ಇಂಜಿನಿಯರಿಂಗ್ ಪದವಿ ಅಥವಾ ಅಪ್ರೆಂಟಿಸ್ಶಿಪ್ಗಳಿಗೆ ದಾಖಲಾಗಿದ್ದಾರೆ.
ಸಿನ್ಸಿನಾಟಿ
ತಂಡಗಳು ತಮ್ಮ ಗ್ಲೈಡರ್ಗಳನ್ನು ಪರೀಕ್ಷಿಸಿದವು
ವೈಮಾಂತರಿಕ್ಷದ ಸವಾಲಿನಲ್ಲಿ ತಮ್ಮ ಗ್ಲೈಡರ್ಗಳನ್ನು ಪರೀಕ್ಷಿಸುತ್ತಿರುವ ಸಿನ್ಸಿನಾಟಿಯ Engineering Academy ವಿನ್ಯಾಸ ತಂಡಗಳು.
ವಾರ್ಸಾ
ಪೋಲೆಂಡ್ನ GE Aerospace ನಲ್ಲಿ ಹಾರಾಟದ ಭವಿಷ್ಯದ ಬಗ್ಗೆ ಅನ್ವೇಷಣೆ ನಡೆಸುತ್ತಿರುವ ಅಕಾಡೆಮಿ ವಿದ್ಯಾರ್ಥಿಗಳು.
GE Aerospace ಕ್ಯಾಂಪಸ್ ಪ್ರವಾಸವನ್ನು ಆನಂದಿಸುತ್ತಾ, ಅಲ್ಲಿನ ಇಂಜಿನಿಯರ್ಗಳೊಂದಿಗೆ ಸಂವಹನ ನಡೆಸುತ್ತಿರುವ Engineering Academy ಯ ವಿದ್ಯಾರ್ಥಿಗಳು.
ಜೊಹಾನ್ಸ್ಬರ್ಗ್
ತಂಡವು ತಮ್ಮ ಕಿರುಮಾದರಿಯನ್ನು ಹಂಚಿಕೊಳ್ಳುತ್ತಿದೆ
ಜೋಹಾನ್ಸ್ಬರ್ಗ್ನ ಇಂಜಿನಿಯರಿಂಗ್ ಅಕಾಡೆಮಿ ವಿನ್ಯಾಸ ತಂಡವು ಮಳೆನೀರು ಕೊಯ್ಲು ಸವಾಲಿಗಾಗಿ ತಾವು ಸಿದ್ಧಪಡಿಸಿದ ಕಿರುಮಾದರಿಯನ್ನು (ಪ್ರೋಟೋಟೈಪ್) ಪ್ರದರ್ಶಿಸುತ್ತಿದೆ.
ಸ್ಟಾಫರ್ಡ್ಶೈರರ
ಜಲ ಶಕ್ತಿಯನ್ನು ಬಳಸಿಕೊಳ್ಳುವುದು
Engineering Academy ಸ್ಟಾಫರ್ಡ್ಶೈರ್ ವಿದ್ಯಾರ್ಥಿಗಳು ಜಲ ಶಕ್ತಿಯನ್ನು ಬಳಸಿಕೊಳ್ಳಲು ತಮ್ಮ ಕಿರು ಮಾದರಿಯನ್ನು ಒಟ್ಟಾಗಿ ನಿರ್ಮಿಸುತ್ತಿದ್ದಾರೆ.
ಗ್ರೀನ್ವಿಲ್
ಲೈಫ್ ಪ್ಲಾನ್ಗಳನ್ನು ಮಾಡುವಿಕೆ
ಭವಿಷ್ಯದ ಗುರಿಗಳನ್ನು ನಿರ್ಧರಿಸಲು ಮತ್ತು ಅವುಗಳನ್ನು ಸಾಧಿಸುವ ಹಾದಿಯನ್ನು ಯೋಜಿಸಲು, ಗ್ರೀನ್ವಿಲ್, SC ನಗರದ Engineering Academy ವಿದ್ಯಾರ್ಥಿಗಳು ಕಾಲೇಜು ಮತ್ತು ವೃತ್ತಿಜೀವನದ ಸನ್ನದ್ಧತೆಯ ಚಟುವಟಿಕೆಯ ಭಾಗವಾಗಿ ತಮ್ಮ 'ಲೈಫ್ ಮ್ಯಾಪ್' ಅನ್ನು ಸಿದ್ಧಪಡಿಸುತ್ತಿದ್ದಾರೆ.
